📍旺角任食高質燒肉

📍旺角 安平燒肉 星期日下午做乜好?咁就梗係瘋狂食食食啦，今次我地下午就去咗位於旺角創興中心嘅台式 燒肉店嘞! 我地嗌咗個M5和牛套餐 (19:30前離座$358+20/位)，120分鐘任飲任食放題。 店入面嘅裝修都好新淨企理，配以安平橙色天燈點綴，同埋台入面播放嘅台灣流行曲，好有去 咗台灣高級食店食嘢嘅感覺。 一坐低店員就畀個每人一客兩件嘅牛舌芯我地開個靚頭。有別於平時我地食嘅牛舌，依個牛 舌心佢地切咗做條狀，放喺網上面將四邊燒熟咗鎖住肉汁之後，再多陣就可以配埋玫瑰岩鹽 一齊擺入口，岩鹽嘅鹹味襯埋牛舌心嘅肉汁同鮮味值得一試。 🌟🐮🥩🍗叫得M5和牛套餐又點少得M5和牛呢?澳洲M5和牛同埋個雪花花紋安格斯牛小排就一定唔少 得架喇，輕輕烤一陣，依兩隻牛肉味同油脂感完美地平衡到，一叫再叫食得幾次都已經回曬 本。 之後我地點咗個厚切雪花豬，加上安平燒肉黃金醬再用生菜包住嚟食，豬肉油脂、醬汁嘅清甜 同埋生菜包爽嘅爽脆，多重層次嘅味道喺口入面爆發，依餐飯我地忍唔住encore咗幾次。 🌟🦞🦑🐔🐷海鮮方面帆立貝、虎蝦同烤生蠔都新鮮美味，但係可能需時有少少長，建議用一半爐燒海鮮另 一半爐燒肉，Keep住Run件事就Keep住有得食 另一個驚喜就係烤魚乾同埋烤豬肉乾，雖然依兩樣嘢食就咁已經可以擺入口食，但係經過火 烤完之後完全將件事昇華上另一個層次，每碟份量唔多，又唔會佔肚入面太多空間，可以試 試。 因為實在太多野食嘅關係(餐牌上面寫住104款)，不能盡錄，所以只係重點揀咗幾樣介紹畀大 家。(可以睇睇我地D相) 店員收碟同埋反應嘅速度都好高，值得一讚。 平時食完燒肉個身都會有陣燒肉味，今次嚟食完之後又唔係好覺染到成身都係燒肉味，睇嚟 依間安平燒肉個抽風系統都做得幾好。 🌟必食推薦：除左牛，我會推薦麻薯，幾特別燒完更煙靭。另外紅火冰茶都唔錯，如果鐘意火龍果一定要試吓。 2人總數💰776人均💰388 📍 安平燒肉 (旺角) 旺角彌敦道601號創興廣場9樓 10分滿分 味道：9/10 環境：8.5/10 價格：8/10 #hkfoodie#hkigers#hkig#hkblogger#chansfoodie.hk #hkrestaurants #hongkong🇭🇰 #hongkongfood#hongkonglocalfood #hongkongtravel#hongkonginstagram #香港探店#香港探店分享#香港探店打卡 #和牛#m5和牛#旺角好去處#旺角美食#澳洲m5和牛#烤肉